مسااالخير معجبه منورة الكرسى والله انشاء الله بيكون حلوة ومريح الك وانشاء الله بتنبسطى فيه
الله يسعد صباحك ومساك انشالله النور من ربنا جاي ومن اسمك بهالصفحة
الكرسي امور لحتى الان زي متقول الملكة متوصية فيا وجايبالي ياه اخر طراز
بجد شى بشرفنى تكونى بعدى ع الكرسى وبحب ابدا بالاسئلة لانى متأخر عن التراويح
الله يتقبل صلاتك انشالله
سامحينى كان كتبتلك مقدمه قد الدنيا ونبدأ بالاسئلة يا مديرة
له مش بينا يا ابو احمد المقدمات ولو وجودك اعظم من أي مقدمه
مديرة عاملة وضعها ضحكتني بجد فكرتني ب... بشغلة
بس شو خلاك تسالني نفس الاسئلة الي سالتك ياها يا باشا
ماتوقعت انو حد يسالني ياها نفسها ممممم. بس لعيونك رح جاوبها.. تكرم..
يلا نبتدي.. K
بسم الله ..
بسم الله....
كل انسان بحياته مر بقصة حب لو انت حبيت انسان لدرجة صعب انك توصفها لدرجة يكون بحياتك اهم اشي
الانسان هاد بظروفه تخلى عنك
انت بتضلى باقية على حبه ولا بتتهمى بالخداع والغدر ؟؟حتستنيه ولا تنسى؟؟ وممكن ترجعيلو لو حس بقيمتك ولا لأ؟
انا يرائد الانسان الي حبيتو بعرف ظروفو كتير منيح وعشان هيك بعزرو لاني بعرف انه بحبني بجد أي نعم تخلى عني بس مش معنى هيك انو ابطل احبه
انا رح ضل حبه انشالله والله يقدرني لحد اخر يوم بعمري لانو هو مابستاهل خالص مني اني احب غيره او قلبي يكون نصيب راجل غيره,,, مستحيل
طبعا بستناه وانا حساه حيرجعلي بيوم من الايام، ليش انساه انا طالما عايشة بحسه بالدنيا وحساه فيا ومعايا وين مكان ليه انساه؟؟!!
ممكن ارجعلو؟!!
هاد سوال صعب كتير , بس انا بفكر بقلبي بكل النواحي العاطفية الي بتخصه انا بتمنى اقضى عمري كله معو بكل لحظة ... اكيد برجعلو لانو هو اسمى من أي تصور ممكن أي انسان يتصورو,,, بجد.
---------------------------------------------
شو بعنيلك الحب الاول؟؟ وممكن يروح ولا بصير مجرد ذكرى بحياتك عابرة؟؟ ولا خلص بتنسيه؟؟
الحب الاول بالنسبالي هو الحب الاول والاخير
الي صعب يكون شي يمحيه او حب يكون محله خالص الا ان كنت انا بدي وعندي ارادة بس انا مابدي وارادتي كلها متقوقعة باني احافظ عليه ويكبر اكتر واكتر هالحب..
طبعا مابصير مجرد ذكرى عابرة بحياتي,, ممكن يكون ذكرى لغيري بس الي ,, هو الاشي الي مصبرني بالدنيا وعايشة بكل شعور واحساس فيه
قلتلك قبل هيك ليه انساه,,,
--------------------------------------------------
عمرك حسيتى بالحرمان ؟؟ من اشي كان بحياتك اساسي وفجاة بليلة ملهاش قمر نحرمتى منو؟؟ شو شعورك ؟؟ بتتميش يرجعلك الشي انت نحرمتى منو ؟
الله يبعده عنك يرائد,,,
عارف شو يعني بس يكون ربنا فوق بالسما وانسان تحت بالارض
انا كل لحظة بعيشها هالايام بدون الانسان الي بحبه بحس فيها بحرمان من كل اشي لانو هو كان مالي عليا حياتي كتير
هو بحياتي شي اساسي هو اساسها اصلا لانو الي كل اشي (امي وابي واخوي واختي وصديقي وصديقتي وانا وطفل برئ وراجل جدع وحبيبي وكل اشي ممكن تتخيله... ) بس للاسف حرمني منه وهو عارف شو هو بالنسبة الي
بتمنى يرجعلي اكيد لانو انا بعتبرو العمود الفقري بحياتي .. فكرك في حدبعيش بدون عمود فقري ؟؟!
---------------------------------------------
لمن تكونى تعرضت بظلم لحياتك؟؟ شو بتعملى ؟ ولمين بتلجأى؟ بتسامحى؟؟ وشو شعورك لو انت ظلمتى انسان بحياتك؟؟ وفكرك انت ظلمتى انسان لدرجة انو ممكن يضيع بسببك؟ ولو اه شو بايدك تعملى عشان تحاولى تخففى ظلمك عنه؟؟
تعودت عليه كتير بحياتي بس اصعب ظلم ... يمكن ظلم القلب,,,
بلجا لربنااولا وتانيا كنت بكل امور حياتي الخاصة والعامة بلجأ للانسان الي بحبه بس هلا هو بعيد.. ماحد يسالني وين راح؟؟
فما بلجا حاليا الا لربنا
بسامح؟ انا مابنام الا مسامحة كل انسان بحياتي ظلمني وبظلم فيا ورح يظلمني
بس في ناس بحاول اسامحها وبقول اني سامحتها بس حاسة قلبي مش مية بالمية مسامحها بس الله يسامحها لانو انا مابحقد عحد طبيعي مع الوقت اسامحهم..
انا بحس اني ظلمت الانسان الي بحبه باني سبته يضعف.. يمكن ظروفي ساعدتني بهيك شي بس هو خالص ماساعدني اقرب منه كان بتهرب كتير طبيعي جدا يكونلي دور وقتها.. للاسف بس كان الشي خارج سيطرتي بالاغلب.
بحس اني ظلمته بكل لحظه دايقته فيها لانو مابستاهل مني هيك ... يارب يسامحني
مابعرف بس بحاول افهمه الي عندي واخفف عنه هو بحبني واكيد بفهم كل شي مر فيا وفيه بعدين انا مستعدة لاي شي اعمله عشانه مقابل بس.. اشوفه مرتاح ومبسوط من قلبه.
اما اني ظلمت انسان وممكن يضيع بسببي يالطيف الله لا يقدر لاني بكره الظلم وربنا بكرهوا كتير الله لا يحطك بهيك شعور..
--------------------------------------------------
لو حلم حياتك كنت رسماه(مستقبلة وحاضرك وحياتك) ضاع من بين ايديك شو بتعملى بتدورى عغيروا ولا بتقفى وتيأسى؟؟
مهوا ضاع ...
مابعرف لانو انا بصراحة لسة بعيش باللحظة يعني لسة ماعرفت شو رح اعمل لانه كل حياتي حساها وقفت ومش عارفة وين وكيف ابدا واتصرف..
مابدور على غيره لانه مابقدر اعيش حلم حياتي مع حد غير الي انا رسماه معاه.. صعب .. مستحيل
انا من جهة وقفت اه فعلا .. مع انو الشي بضرني بس مش بايدي برده
بيأس ... شكلي حكمل هيك عطول لانو انا كل حياتي بنياها على هالحلم فما بالك بس يضيع..
بس انا عندي امل ببكرا
وبقول يارب
(متناقدة صح!!!)
-----------------------------------------------
حسب معرفنا انك كانلك حبيب؟؟مات جواك؟؟ ولا وين مكانه؟؟ لو عرفت او وصلك خبر بيوم باجله(وفاته) شوشعورك وقتها؟ شو بتتمنى لو كنتى عملت؟؟
وليش ماتعمليه قبل ميموت لو كنت حتتاثر فيه؟؟ ولا حتقول راح وريح؟؟
كانلي!!! لالالا لو سمحت بس صحح كلامك.. هو كان ومازال
ليش يموت جوايا وانا عايشة بحسه بالدنيا؟؟ هو مابستاهل مني الا اني احافظ على حبه ويكبر ويترعرع جواتي
مكانه بقلبي لحد اخر يوم بعمري.. عايش جوايا لحد ماموت.. معايا وين مبروح وين مبكون هو انا وانا هو
يييييييييييه شو هالحكي هاد ماتقول هيك يا رائد الله لا يقدر يارب الله يطول بعمره ويجعل يومي قبل يومه
شو شو شعوري... صحصح.. هاد الانسان الوحيد الي بالنسبالي كل أشي بحياتي بموت وراه قهر عليه
انا عايشة بس بتنفس يعني ميته بدونه وهو بعيد كيف بدك اكون لو يالطيف الله افتكره .. لا لا يالطيف
الله يحميه لشبابه يارب
كهربتني بهالسوال ماتوقعت حد يسالني ياه
بتمنى لو كنت معه ماسبته ولا لحظه ورحت لو غصب عنه اتطمن عليه او بس اتطلع بعيونه واعرف اخباره واموره واشوف مرتاح مش مرتاح شو بده ؟؟ وغيرها من امور مهمه
مابقدر اعملها هلا لانو صعب كتير كمان ظروفو اقوى مني بكتير هالمرةبعدين هو اختار يكون بعيد عني مابقدر اجبره عشي خالص (ان اردت شيئا بشدة اطلق صراحة فان عاد اليك فهو لك وان لم يعد فلم يكن لك منذ البداية)...
مابقول راح وريح لانو وجوده هو سبب الراحة اساسا
------------------------------------------------
عمرك كنتى سبب بدمار مستقبل او حياة انسان او ممكن تكونى سبب؟؟ ولو اه وانت مش بايدك او بايدك شو ممكن تعملى عشان تحميه؟
سبب دمار مستقبل او حياة انسان ... لا اعوذ بالله الله لايقدر
ممكن اكون ... حاليا اه للاسف.. بس مش أي انسان.. لانو الانسان هاد ممكن يكون انا مش حد تاني
يمكن بايدي بس مش هلا بس اقدر اقف على رجلي شوي وشوي بعدين صحابي الي جمبي اكيد واقفين جمبي رغم اني بحاول اتهرب منهم كمان.. مش عارفة حاسة الاشي ملخبط وانا انشالله بقدر
يارب... ساعدني
-----------------------------------------------
بتحب حد عزيز على قلبك يدعيلك دعوة حلوة؟؟ ايش اكتر دعوة بتحبيها منو؟؟
الانسان الي بحبه كل دعوة بقولي ياها كانت تلطع منو بحبها كتير
اكتر دعوة برعاية الله.. الله يوفقك ..
وبحب بس ماما تقولي الله يرضى عليكي
شو اكتر كلمة بتحبيها؟؟
تحياتي... بس كنت بسمعها او بحكيها للانسان الي بحبه (بحسه بغني اغنية حمادة هلال تحياتي بكل كلماتها وبقصد كل معانيها... )
كلمة لا اله الا الله بس ننهي مكالمة او محادثة.. بتطمني
واكتر كلمة بتكرهيها؟؟
ممم استنى افتكر
كل كلمة بتحبط الانسان وكل كلمة بتجرحني
والكلمة الي مش ممكن تنقال بين الاثنين الي بحبو بعض؟؟
وهل ممكن تحكيها لو افترقت عن الانسان الي بتحبيه لانكم فترقتو مع انها مش لازم تنقال؟
يقول فيلسوف.. لم ارى في حياتي عاشقان يقولان لبعضهما ... شكرا
ههه مابظن مفروض تنحكي بس انا كانت تطلع مني زلة لسان يييييييه لدرجة صرت مابطيقها هالكلمة
واي كلمة كره (يعني بكرهك) مستحيل تنقال بينهم الي بحب مابعمره بكره
ومابعمري بتصدر مني هالكلمة للانسان الي بحبه حتى لو افترقنا .. أي نعم افترقنا بس مابطلت احبه ...
------------------------------------------------
اكتر خط بتحبيه بحياتك خط مين؟؟
خط الانسان الي بحبه على كتبي وبالرسائل والاوتغراف
اكتر خط بتحسيه عبيط؟؟
خطي هع هع هع
شو رايك بالكلمات هاي ولمين ممكن تحكيها
عبيط؟؟ بتحبها؟؟ كنت بقولها لحبيبي بس تجيني نهفة بس كنا نمزح بحبها كتير بحسها قلقيشن
كملة طير؟؟ ومتى بتحكيها؟؟اوووه قلق هاي //برده اله وكنت بحب اسبقه فيها قبل مننهي مكالماتنا بس كتير كان يسبقني وساعتها بنغاظ
كلمة تحياتي؟؟
بقولها للانسان الي بحبه قاصدة فيها كل كلمة حلوة ممكن اعبرله فيها عن امتناني وحبي
وللناس بس احس اني بقدرهم وبحبهم
كلمة شكراً؟؟
صرت مابطيقها خاااالص تقريبا لغيتها من قاموسي كليا
بس ممكن اقولها لحد نهيت علاقتي فيه كليا ورسملتها معو وطلع من قلبي
كلمة بامان الله؟؟
بس اخلص احكي حكياتي مع الناس ومع الكل نت تلفون جوال هيك شي
كلمة اووووف؟
هع هع هع
بس اشوف واحد حمساوي نفسي اضربه وماشي بتزعرن (شايف حالو)
وبس حد يضل يزن عراسي بشي معين
------------------------------------------
اكتر تاريخ بتحبيه بحياتك؟ كل تاريخ كنا نحتفل فيه انا والانسان الي بحبه عيد ميلاده ذكرى يوم حبنا وكل يوم مسجلاه بعقلي وقلبي بخصه
اكتر تاريخ صدمك بحياتك؟ سوري مابقدر اجاوب
اكتر تاريخ نفسك تحتفلى فيه كل يوم؟ ميلاد حبيبي لانه كل يوم ربنا برزقه فيه عمر جديد بعتبره ميلاد لحياته
ومع مين؟؟معه نفسه..
اكتر تاريخ بتحسيه ذكرى نفسك تعيدها؟؟
كل يوم عشته معه
بالاخص يوم 19/2
لانه من احب الايام عقلبي
اكتر تاريخ خايفة منو؟؟
لو صار للانسان شي وانا بعيدة عنه خايفة من هالتاريخ واليوم هاد طبعا الله لايقدر يصرلو شي
غير هيك مش حخاف اكتر من يوم صدمتي بحياتي
مع خالص تحياتى وتمنياتى الك بالتوفيق بحياتك العلميه والعمليه
تسلم يارب عالاسئلة ( تعتي ههه
)
والتوفيق الك انشالله يارب يا عمو الامور
T7yate